बिएल संवाददाता
काठमाडौँ
नेपाली बजारमा सुनको मूल्य बढेको बढ्यै छ। शुक्रबार पनि सुनको मूल्य ताेलामा ७ सयले बढेको छ।
नेपाल सुनचाँदी व्यवसायी महासङ्घका अनुसार छापावाला सुन प्रतितोला रु ७ सयले बढेर १ लाख ३९ हजार ३ सय पुगेको छ।
बिहीबार सुन प्रतितोला रु १ लाख ३८ हजार ६ सयमा कारोबार भएकाे थियो।
यस्तै तेजाबी सुन बिहीबार तोलामा रु १ लाख ३७ हजार ९ सय ५० मा कारोबार भएकामा आजका लागि भने रु १ लाख ३८ हजार ६ सय ५० निर्धारण भएको छ।
त्यस्तै चाँदीको मूल्य भने सामान्य गिरावट भएको छ।
बिहीबार प्रतितोला रु १ हजार ७ सय २५ मा कारोबार भएकामा आजका लागि भने रू १ हजार ७ सय २० निर्धारण भएको छ।
