बिएल संवाददाता
काठमाडाैँ
निर्देशक एवम् कलाकार निश्चल बस्नेतले सिनेमा हालको विकल्प खाेज्ने चेतावनी दिएका छन्।
दर्शकले नेपाली फिल्म रुचाउँदा रुचाउँदै पनि हल सञ्चालकहरुले नेपाली फिल्महरुलाई कम शाे उपलब्ध गराएकाे भन्दै सिनेमा हलकाे विकल्प खाेज्ने चेतावनी दिएका हुन्।
‘राम्रो प्रतिक्रिया, दर्शकको राम्रो साथ, राम्रो अकुपेन्सी हुँदा पनि तपाईंहरु चाहिँ त्यही हिन्दी फिल्मलाई नै शाेज् दिइराख्नु है, अकुपेन्सी आलु हुँदा पनि। म चाहिँ हलको विकल्पतिर लागेँ’, बस्नेतले सामाजिक सञ्जालमा लेखेका छन्।
बस्नेतकाे ‘बेहुली फ्रम मेघाैली’ चलचित्र अहिले राम्राे प्रदर्शन भइरहेकाे छ। तर, याे सिनेमा रिलिज भएकाे केही दिनपछि दीपक-दीपाकाे छक्का पञ्जा- ५, विराज भट्टकाे १२ गाउँ र जितु नेपालकाे ज्वाइ साब प्रदर्शनमा छन्। यी सबै चलचित्रलाई दर्शकले राम्राे साथ दिएका छन्।
यद्यपि, यी सम्पूर्ण चलचित्रका निर्माता/कलाकारहरुले चलचित्र हलहरुले शाे कम दिएकाे गुनासाे गरिरहेका छन्।
