बिएल संवाददाता
काठमाडाैं
कृति सेननले टाइगर श्राफसँग फिल्म ‘हिरोपन्ती’ बाट बलिउडमा डेब्यू गरेकी थिइन्।
सन् २०१४ मा रिलिज भएको उनको पहिलो फिल्म हिट भएको थियो। त्यसपछि उनले धेरै फिल्महरू गरिन्, र धेरै स्टारडम पाइन्।
अभिनयमा आफ्नो छाप छोडेपछि कृति सेननले निर्माणकाे काममा पनि हात हालेकी छन्।
उनले ‘ब्लु बटरफ्लाई फिल्म्स’ नामको निर्माण कम्पनी खोलेकी छन्।
सफलताको सिँढी चढिरहेकी कृति सेनन अझै पनि आफ्नो भूमिसँग जोडिएकी छिन्।
हालै कृति सेनन निखिल कामथको शोमा सहभागी भएकी थिइन् र यस क्रममा उनले आफू मध्यमवर्गीय भएको बताएकी थिइन्।
अभिनेत्रीले अहिलेपनि आफ्नो पैसाको सबै हिसाब बुबाले राख्ने गरेकाे बताइन्।
बलिउड फिल्ममा काम गर्ने कुरा गर्दै कृति सेननले अब आफूलाई रुचि नभएको फिल्मको हिस्सा बन्न नचाहेको बताइन्।
कृति सेननले विगतमा धेरै चलचित्रमा पैसा कमाउन मात्रै काम गरेको बताइन् तर अब राम्राे फिल्ममा मात्र काम गर्ने सुनाइन्।
गत वर्ष ‘मिमी’ बाट राष्ट्रिय अवार्ड जितेकी कृति सेननले आफू उच्च मध्यमवर्गीय परिवारमा परेको र पैसाका लागि काम गर्नुपरेको महसुस कहिल्यै नगरेको बताइन्।
अभिनेत्रीका अनुसार धेरै धनी परिवारकी नभएपनि परिवारले उनलाई कहिल्यै पैसाको अभाव हुन दिएन।
