बिएल संवाददाता
काठमाडौं
हिमाल उप्रेतीको चलचित्र ‘भागदौड’को शुभमुहूर्त गरिएको छ। बिहीबार ललितपुरको बुङमतीमा मुहूर्त गरिएको हाे।
उक्त चलचित्रमा विशाल पोखरेल, देशभक्त खनाल, लक्ष्मी गिरी, शेखर चापागाईं, शङ्कर महर्जन, घनश्याम जोशी, अनिशा श्रेष्ठ, शारदा राई र सुवास तिमल्सिनाले अभिनय गर्दैछन्।
सुप्रिम म्युजिक एण्ड फिल्मस प्रा.लि. तथा ओडिसी पिक्चर्स प्रा.लि.को ब्यानरमा बन्ने याे चलचित्रका निर्माता विश्वराम विष्ट हुन् भने कार्यकारी निर्माता डिल कुमारी नेपाल हुन्।
छायाङ्कन दीपक बज्राचार्यको, सम्पादन प्रवीण ढकालको तथा सङ्गीत प्रकाश नेपाली र वसन्त सापकोटाको रहने छ।
उप्रेतीको लेखन तथा निर्देशन रहने याे चलचित्रमा महिला सशक्तीकरणको मुद्दालाई उठान गरिने बताइएको छ।
