बिएल संवाददाता
काठमाडौं
नवीन सुब्बाको फिल्म ‘गाउँ आएको बाटो’ को ट्रेलर सार्वजनिक गरिएको छ।
बिहीबार सार्वजनिक ट्रेलरबाट पूर्वी नेपालको एउटा गाउँमा सडक र गाडी पुगेपछि आएको परिवर्तन र त्यसले पारेको असरबारे फिल्म बनेको बुझ्न सकिन्छ।
यही जेठ २५ गतेबाट प्रदर्शनमा आउन लागेको फिल्ममा दयाहाङ राई र उनकी श्रीमतीको भूमिकामा पशुपति राईले अभिनय गरेकी छन्।
यो फिल्मले विश्वका २० वटाभन्दा बढी प्रतिष्ठित फेस्टिभलमा सहभागिता जनाइसकेकोले विशेष चर्चासमेत रहेको छ।
फिल्ममा खानुमा राई, केशव राई, प्रमिशा राई, प्रेम सुब्बालगायतको पनि अभिनय छ।
