अखिल नेपाल लेखक संघको नेतृत्व स्वप्निल स्मृतिले गर्ने भएका छन्। शनिबार काठमाडौँमा सम्पन्न संघको चौथो राष्ट्रिय सम्मेलनबाट उनी अध्यक्षमा निर्वाचित भएका हुन्।

संघको उपाध्यक्षमा रामहरि श्रेष्ठ, नारायण मरासिनी र पञ्चकुमारी परियार चयन भएका छन्। यस्तै महासचिवमा जीत अधिकारी, उपमहासचिवमा सुधा मैनाली र कोषाध्यक्षमा तिलक चाम्लिङ निर्वाचित भएका हुन्।

संघले पछिल्लो समय वैचारिक लेखनमा सक्रिय रहेका युवा लेखकहरुलाई पनि समेटेको छ।

सम्मेलनका प्रमुख वक्ता एवम् माओवादी केन्द्रका महासचिव देव गुरुङले ७१ सदस्यीय नयाँ कार्यसमितिलाई शुभकामना दिएका थिए। उनले भने, ‘संगठनका साथीहरुले यसअघि पनि समाजका गम्भीर मुद्धामा शसक्त रुपले कलम चलाउँदै आउनुभएको हो, आगामी दिनमा यो यात्रा अझै फराकिलो बन्ने विश्वास गरेको छु।’