दाङमा गोली हानी एक महिला प्रहरीको हत्या गरिएको छ।
घोराही–१४ स्थित दामोदर चोकमा डिउटीमा गरिरहेकी सुर्खेत पञ्चापुरी–९ विद्यापुर घर भइ हाल वडा प्रहरी कार्यालयमा कार्यरत प्रहरी जवान धनमाया थापाको गोली हानी हत्या गरिएकाे अधिकारीहरूले जनाएका छन्।
प्युठान नौबहीनी–४ खवाङ घर भइ हाल नेपालगंज बाँकेमा कार्यरत वर्ष ३५ वर्षीय प्रहरी सहायक हवल्दार याम बहादुर झाँक्री गाेली हानी हत्या गरेकाे जिल्ला प्रहरी कार्यालय दाङले जनाएकाे छ। झाँक्री गाेली हानी हत्या गरिएकी प्रहरी जवान थापाकै श्रीमान हुन्।
प्रहरीका अनुसार घटना बेलुकी साढे ७ बजेतिर भएको हो। गोली हानी भे १२ प ११५० पल्सर माेटरसाइकलमा भाग्दै गरेका झाँक्रीलाई प्रहरीले लमहीको अर्जुनखोलाबाट पक्राउ गरेको छ।
तीनवटा गोली लागी घाइते भएकी थापाकाे उपचारको लागि राप्ती स्वास्थ्य विज्ञान प्रतिष्ठान घोराही लग्दैगर्दा बाटाेमै मृत्यु भएकाे अधिकारीहरूले जनाएका छन्।
