च्याम्पियन्स लिग

च्याम्पियन्स लिग : एफसीसँग रियल मड्रिड पराजित

file foto
file foto

यूईएफए च्याम्पियन्स लिग फुटबलमा स्पेनिस क्लब रियल मड्रिड पराजित भएको छ। मंगलबार राति भएको खेलमा रियल मोल्डेभाको एफसी सेरिफसँग २-१ गोल अन्तरले पराजित भएको हो।

खेलको २५औँ मिनेटमा जासुरबेक याख्सिबोभले गोल गर्दै सेरिफलाई असुरुवती अग्रता दिलाए। ६५औँ मिनेटमा करिम बेन्जिमाले पेनाल्टीमा गोल गर्दै रियललाई १-१ गोलको बराबरीमा फर्काए। तर, खेलको ८९औँ मिनेटमा सेबास्टियन थिलले गोल गर्दै सेरिफलाई २-१ को जित दिलाए।

जितसँगै समूह 'डी'को सेरिफले दुई खेमा ६ अंक जोडेको छ। र, शीर्ष स्थानमा रहेको छ। रियल तीन अंक जोडेर दोस्रो स्थानमा छ।

समूह 'डी'को अर्को खेलमा इन्टर मिलानले शाख्तर डोनेक्ट्ससँग गोलरहीत बराबरी खेलेको छ। इन्टर एक अंक जोडेर तेस्रो र शाख्तर एक अंक जोडेर पुछारमा छ।

प्रकाशित मिति: : 2021-09-29 08:40:00

प्रतिकृया दिनुहोस्