त्रिकोणात्मक टी-२० सिरिजको पहिलो खेलमा नेपाल आज नेदरल्यान्ड्सविरुद्ध उत्रिँदैछ।
स्कटल्यान्ड भ्रमणमा रहेको नेपालले सिरिजको पहिलो खेल सोमबार नेदरल्यान्ड्ससँग खेल्न लागेको हो। नेपाल र नेदरल्यान्ड्सको खेल नेपाली समय अनुसार आज साँझ ७ः४५ बजे सुरु हुनेछ।
सिरिजको उद्घाटन खेलमा आइतबार आयोजक स्कटल्यान्डले नेदरल्यान्ड्सलाई ३९ रनले हराएको थियो।
टी-२० सिरिजका लागि नेपाल क्रिकेट संघ (क्यान)ले रोहित पौडेलको कप्तानीमा नेपाली १६ सदस्यीय टोली घोषणा गरेको छ।
भरपर्दा अलराउण्डर सोमपाल कामी र गुलसन झा अभ्यासको क्रममा घाइते हुँदा यो सिरिजमा किरण ठगुन्ना, लोकेश बम र रुपेश सिंहले अवसर पाएका छन्।
.JPG)