पाटे बाघको आक्रमणबाट सप्तरीमा दुईजना घाइते भएका छन्। सप्तरी जिल्लाको सप्तकोसी नगरपालिका-१को बस्तीमा सोमबार बिहानै पसेको बाघले स्थानीयलाई आक्रमण गरेको हो।
प्रहरीका अनुसार स्थानीय गणेश खत्री र कृष्ण विष्ट बाघको आक्रमणबाट घाइते भएका छन्। बिहान साढे छ बजेतिर फत्तेपुर बजारको रंगशाला गेट छेउमा रहेको एउटा घरको परिसरमा उक्त बाघ देखिएको थियो।
जिल्ला प्रशासन कार्यालयले बाघ नियन्त्रणका लागि कोसीटप्पु बन्यजन्त आरक्षणबाट प्राविधिकहरूको टोली बोलाएको छ।
