कोशी प्रदेशको मुख्यमन्त्रीमा नेपाली कांग्रेस संसदीय दलका नेता उद्धव थापा दाेस्राेपटक नियुक्त भएका छन्।
प्रदेश प्रमुख परशुराम खापुङले संविधानको धारा १६८ को उपधारा (२) अनुसार मंगलबार साँझ थापालाई मुख्यमन्त्री नियुक्त गरेका हुन्।
थापाले सत्ता गठबन्धन दल नेकपा माओवादी केन्द्र, नेकपा एकीकृत समाजवादी पार्टी र जनता समाजवादी पार्टीको समर्थनमा प्रदेश प्रमुख खापुङसमक्ष आजै दाबी पेश गरेका थिए।
कांग्रेसका २९, माओवादीका १३, नेकपा एकीकृत समाजवादीका ४ र जसपाका १ सहित ४७ सांसदको हस्ताक्षरमा थापा मुख्यमन्त्री नियुक्त भएका हुन्।
