कार्यवाहक राष्ट्रपति रामसहाय प्रसाद यादवले आजदेखि संसदको हिउँदे अधिवेशन अन्त्य गरेका छन्।

मन्त्रिपरिषद्को सिफारिसमा कार्यवाहक राष्ट्रपति यादवले शुक्रबार राति १२ बजेदेखि लागू हुनेगरी संघीय संसद् अन्तर्गत प्रतिनिधिसभा र राष्ट्रियसभाको हिउँदे अधिवेशन अन्त्य गरेका हुन्। 

यादवले जारी गरेको सूचनामा भनिएको छ, 'नेपालको संविधानको धारा ९३ को उपधारा (२) बमोजिम नेपाल सरकार, मन्त्रिपरिषद्को मिति २०८०/०१/१२ को सिफारिसमा संघीय संसद्को दुवै सदनको चालु अधिवेशन संवत् २०८० साल वैशाख १५ गते शुक्रबार राती १२: ०० बजेदेखि अन्त्य गरेको छु।'