प्रधानमन्त्री केपी शर्मा ओलीले विरोधका लागि सरकारकाे विरोध नगर्न भनेका छन्। अमेरिका भ्रमणपछि फर्केर आएका प्रधानमन्त्री केपी शर्मा ओलीले विमानस्थलमा पत्रकारहरूसँग कुरा गर्दै सरकारले विपदका बेला आफ्नाे बुँताले भ्याएसम्म काम गरिरहेकाे बताए।

‘बिरोधका लागि विरोध हाेला। सरकारले गर्नुपर्ने कामहरू गरेकाे छ। बाढी आउने कुरालाई राेकिन सकिन्नथ्याे। पूर्वसूचना गरेर पहिराे जाँदैन। त्यसपछि सरकारले राहत र उद्धार पुर्‍याइरहेकाे छ’ उनले भने ‘अब म आइसकेकाे छु। अझ ब्यापकरुपमा अघि बढ्छौं। म बाहिरै हुँदा पनि यस विषयमा जानकारी लिइरहेकाे थिएँ। सरकारले आफ्नाे बुँताअनुसार काम गरिरहेकाे छ।’