बाँकेको कोहलपुर नगरपालिकामा राकिराखेको ट्याक्टरमा मोटरसाइकल ठोक्किँदा एक जनाको मृत्यु भएको छ।
बिहिबार राती करिब ११ बजेको समयमा कोहलपुर नगरपालिका–१५ अकलघरुवास्थित राेकिराखेको ट्याक्टरमा ठोकिँदा खजुरा गाउँपालिका–४ का २५ वर्षीय सुमन शर्माको घटनास्थलमै मृत्यु भएको हवल्दारपुर प्रहरी विट प्रहरी जवान रञ्जि अर्यालले बताएका छन्।
हवलदारपुरदेखि मदनचोकतर्फ जादै गरेको भे ४ प १०३३ नम्बरको मोटरसाइकलले सडकको किनारामा रोकीएको भे १ त ८९०६ नम्बरको ट्याक्टरको ट्यालीमा ठोकिँदा मोटरसाइकल चालकको घटना स्थलमै मृत्यु भएको हवल्दारपुर प्रहरी विट प्रहरी जवान अर्यालले बताएका छन्।
कोहलपुर इलाका प्रहरी कार्यालय प्रमुख ऐन बहादुर मल्लले मृतकलाई अहिले कोहलपुर मेडिकल कलेजमा राखिएको र मोटरसाइकल रट्याक्टर दुवै प्रहरीले नियन्त्रणमा लिएको जनाएका छन्।
ट्याक्टरको अगाडिको भाग घरको आगनमा राखेको र ट्याक्टर ट्याली भने सडकमा पर्ने गरी राखेको कारणले गर्दा दुर्घटना भएको र सो ट्याक्टर राधेश्याम चौधरीको रहेको बुझ्नमा आएकोले थप अनुसन्धान भैइरहेको कोहलपुर इलाका प्रहरी कार्यालय प्रमुख ऐन मल्लले बताएका छन्।
