नेपाली कांग्रेसको पिछडिएका क्षेत्रतर्फको सहमहामन्त्रीमा शेखर कोइराला समूहका बद्री पाण्डे निर्वाचित भएका छन्।

नेपाली कांग्रेसको १४ औं महाधिवेशन अन्तर्गत भएको निर्वाचनको मतगणनामा पिछडिएका क्षेत्रतर्फको सहमहामन्त्रीमा पाण्डे निर्वाचित भएका हुन्।

शेखर कोइराला समूहका पाण्डेले २४११ मत प्राप्त गरेका छन्।

यस्तै सभापति शेरबहादुर देउवा समूहका जीवनबहादुर शाही पराजित भएको छन्। कर्णाली प्रदेशका मुख्यमन्त्री समेत रहेका शाहीले २१३३ मत ल्याएर पराजित भएका हुन्।