नेकपा माओवादी केन्द्र बाट मन्त्री बन्नेहरूको नाम टुंगो लागेको छ।
पार्टी केन्द्रीय कार्यालय पेरिसडाँडामा बुधबार बसेको स्थायी कमिटी बैठकले देवेन्द्र पौडेल, महेश्वर गहतराज, शशि श्रेष्ठलाई मन्त्री र बोधमाया यादवलाई राज्यमन्त्री बनाउने निर्णय गरेको माओवादी केन्द्रका एक सदस्यले जनाएका छन्।
यसअघि माओवादी केन्द्रबाट अर्थमन्त्री जनार्दन शर्मा र ऊर्जामन्त्री पम्फा भुसाल सरकारमा सहभागी भएका छन्।
बुधबार बसेको सत्तारुढ दलको बैठकले कांग्रेसले प्रधानमन्त्रीसहित आठ, माओवादी केन्द्रले छ, नेकपा (एस) र जसपाले चार/चारवटा मन्त्रालय लिने सहमति भएको थियो।
यस्तै, नेकपा (एस), माओवादी केन्द्र र जसपाले एक/एक राज्यमन्त्री पाउने सहमति भएको थियो।
