एमाले महाधिवेशन

एमाले महाधिवेशन: मतदान जारी, सवा ६ बजेसम्म ७२० मत खस्यो

नेकपा (एमाले)को १०औँ महाधिवेशनमा नयाँ नेतृत्व चयनका लागि सौराहामा मंगलबार बिहानबाट मतदान जारी छ।

राति २ बजेबाट मतदानको कार्यतालिका तय भए पनि बिहान ४ बजेबाट मात्र मतदान सुरु भएको हो। पहिलो मत एमाले अध्यक्ष केपी शर्मा ओलीले दिएका छन्। उनी अध्यक्षका उम्मेदवार हुन्। ओलीसँग उपाध्यक्ष भीम रावल चुनावी प्रतिस्पर्धामा छन्।

अध्यक्षका उम्मेदवार रालव लगायतका नेताहरूले सुरूवातमा मतदान गरेका थिए। यसअघिको कार्यतालिका अनुसार बिहान ८ बजेसम्म मतदान हुनेछ।

अहिले सवा ६ बजेसम्म ७२० जनाले मतदान गरेका छन्। अहिलेकै गतिमा भोटिङ भए लगभग ३ घण्टामा मतदान सकिने निर्वाचन आयोगले बताएकाे छ।

एमालेमा अध्यक्ष तथा उपाध्यक्ष खुलातर्फ ६ पदका लागि सात जना प्रतिस्पर्धामा छन्। सात सचिव पदमा ९ जनाको उम्मेदवारी परेको छ। ७ क्लस्टरका केन्द्रीय सदस्यका लागि पनि चुनाव भएको हो। एमालेको १०औँ महाधिवेशन १० मंसिरदेखि जारी छ। 

प्रकाशित मिति: : 2021-11-30 06:44:00

प्रतिकृया दिनुहोस्