जीवनको उर्जावान् समय उनले यातायात क्षेत्रमै खर्चे । झण्डै १४ वर्षसम्म गाडीको स्टेयरिङ समात्दै बित्यो । तर अहिले भने उनको जीवनकै स्टेयरिङ रोकिन गएको छ ।
हातमा काम छैन । जहान परिवार पाल्न धौ–धौ भइसक्यो । भन्छन्, ‘हेर्दाहेर्दै ६ महिना बित्यो, अब विकल्प नखोजी भएन ।’
लमजुङको वेशीशहरका ४० वर्षीय इन्द्रबहादुर गुरुङ पेशाले सवारी चालक हुन् । किशोरावस्था उमेर पार गर्दा–नगर्दै २० वर्षअघि उनी कामको खोजीमा पोखरा आएका थिए । कामकै सिलसिलामा गाडी लाइनमा लागे । शुरूआतमा सहचालक भई काम सिकेपछि बिस्तारै चालक बने ।
पोखरामै करीब ११ वर्षसम्म माइक्रो बस गुडाएको अनुभव सँगालेका इन्द्रले पोखरा–काठमाडौं पर्यटक बस चलाउन थालेको ३ वर्ष मात्र भएको थियो ।
.png)
