नेपालमा थप १४५४ जनामा कोरोना भाइरसको संक्रमण पुष्टि भएको छ।  शुक्रबार विभिन्न प्रयोगशालामा गरिएको १० हजार ७०१ जनाको परीक्षणमा १४५४ जनामा संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए।  यससँगै नेपालमा कोरोना संक्रमितको कुल संख्या ५१ हजार ९ सय १९ पुगेको छ।

 संक्रमितमध्ये ३६ हजार ६७२ जना निको भएर घर फर्किएका छन्।   प्रवक्ता गौतमका अनुसार शुक्रबारमात्रै कोरोनालाई जितेर ९७२ जना घर फर्किएका छन्।

पछिल्लो २४ घण्टामा देशभर थप ५ जना कोरोना संक्रमितको मृत्यु भएको छ। योसँगै देशभर मृत्यु हुने कोरोना संक्रमितमध्ये ३२२ पुगेको जानकारी स्वास्थ्य तथा जनसंख्या मन्त्रालयले दिएको छ। 

हाल मुलुकमा १४९२५ जना कोरोनाका सक्रिय संक्रमित रहेका छन् भने त्यसमध्ये ८२९१ जना मात्रै संस्थागत आइसोलेसनमा रहेका छन्। क्वारेन्टिनमा १४५४ जना रहेका छन्।

हाल १७० जना आईसीयूमा र २५ जना भेन्टिलेटरमा राखेर उपचार भइरहेको छ।