पछिल्लो २४ घन्टामा नेपालमा थप ९७९ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतममा अनुसार पछिल्लो २४ घन्टामा गरिएको ९ हजार ६९ परीक्षणबाट नयाँ संक्रमित थपिएका हुन्। यो सँगै कुल संक्रमितको संख्या ४७ हजार २ सय ३६ पुगेको छ।
यस्तै पछिल्लो २४ घन्टामा १७३६ जना कोरोनामुक्त भएका छन्। यो सँगै कुल ३०७७७ जना कोरोना संक्रमण भएका बिरामी निको भएर घर फर्किएका छन्।
पछिल्लो २४ घन्टामा ११ जनाको मृत्यु कोरोना संक्रमणबाट भएको छ।
योसँगै नेपालमा कोरोना संक्रमणबाट मृत्यु हुनेको संख्या ३०० पुगेको छ ।
यसैगरी नेपालमा आइसोलेसनमा रहने कोरोना संक्रमित १६ हजार २ सय ५९ छन् भने ४ हजार ७ सय ३९ जना क्वारेन्टाइनमा रहेको प्रवक्ता गौतमले बताए ।
.jpg)
