शरणार्थी प्रकरणका अभियुक्तहरुको बयान न्यायाधीश न्यौपानको इजलासमा

बिएल संवाददाता

काठमाडौं

• • •

नेपालीलाई शरणार्थी बनाउने प्रकरणका अभियुक्तहरूको बयान न्यायाधीश प्रेमप्रसाद न्यौपानेको इजलासमा परेको छ।

बुधबार काठमाडौं जिल्ला अदालतमा ठगी, लिखत किर्ते, राज्यविरुद्ध र संगठित अपराधसम्बन्धी कसुरमा दर्ता भएको मुद्धाको आज (शुक्रबार) बयान लिने तयारी भएको छ।

नक्कली भुटानी शरणार्थी बनाउने प्रकरणमा जिल्ला सरकारी वकिलको कार्यालयले ३० जनाविरुद्ध मुद्दा दर्ता गरेको छ। तीमध्ये प्रहरीले १६ जनालाई पक्राउ गरेको छ। १४ जना फरार छन्।

उनीहरुको अहिले मिसिल अध्ययन भइरहेको काठमाडौं जिल्ला अदालतका शाखा अधिकृत शिव कोइरालाले जानकारी दिए।

उनकाअनुसार मिसिल अध्ययन सकिएपछि बयान लिन सुरु गरिने छ। बयान सकिएपछि थुनछेक बहस सुरु हुनेछ। थुनछेक बहसपछि अभियुक्तहरूलाई थुनामा राख्ने वा धरौटीमा रिहा गर्ने भन्ने आदेश हुनेछ।

• • •