गण्डकी प्रदेशमा बिहीबार थप ३८ जनामा कोरोना भाइरसकाे संक्रमण पुष्टि भएको छ।
गण्डकी प्रदेशको स्वास्थ्य निर्देशनालयले दिएको जानकारी अनुसार कास्कीमा १४, स्याङ्जामा ११, बागलुङमा ६ तनहुँमा ३, लम्जुङमा ३ र नवलपरासी पूर्वमा १ जना नयाँ संक्रमित फेला परेका हुन्।
पोखरा महानगरपालिकामा १४ जना नयाँ संक्रमित फेला परेका छन्। संक्रमितहरु १५ देखि ४० वर्ष उमेर समूहका रहेकाे निर्देशनालयले जनाएकाे छ।
यसैगरी स्याङ्जाको गल्याङमा ८ जना तथा बिरुवा, पुतलीबजार र भिरकोटमा एक/एक जनामा संक्रमण पुष्टि भएको छ।
यता बागलुङको काठेखोला र बडिगाडमा २/२ जना तथा बागलुङ र जैमिनीमा १/१ जनामा संक्रमण पुष्टि भएको निर्देशनालयले जानकारी दिएकाे छ।
यस्तै तनहुँको व्यास नगरपालिकामा २ जना र ऋषिङमा १ जनामा कोरोना संक्रमण देखिएको छ।
पूर्वी नवलपरासीको बौदीकालीमा १ जना र लम्जुङको बेंसिशहरमा २ जनमा कोरोना संक्रमण पुष्टि भएको छ।
सबै संक्रमित व्यक्तिहरुलाई आईसोलेसन कक्षमा लैजाने तयारी भैरहेको प्रदेश स्वास्थ्य निर्देशनालयले जनाएको छ।
गण्डकी प्रदेशमा कोरोना संक्रमितको संख्या १ हजार ४ सय ७९ पुगेको छ।
प्रदेशमा कोरोना निको भएर घर फर्किनेको संख्या १ हजार २ सय ३० छ।
