पर्साका प्रमुख जिल्ला अधिकारी नारायणप्रसाद भट्टराईलाई सामाजिक सञ्जाललार्फत गाली गलौज गर्ने एक युवकलाई प्रहरीले पक्राउ गरेको छ।

बाराको सिम्रौनगढ नगरपालिका वडा नं ७ खजानी घर भएका २५ वर्षका सन्नीकुमार गुप्तालाई प्रहरीले पक्राउ गरेको हो।

उनी कंकाली अटो ट्रेडर्सका सञ्चालकसमेत हुन्। उनले सामाजिक सञ्जाल फेसबुकमार्फत पर्साका प्रमुख जिल्ला अधिकारी भट्टराईलाई गाली गलौज गरेकोले पक्राउ गरिएको जिल्ला प्रहरी कार्यालय पर्साले जनाएको छ ।

उनलाई हिरासतमा राखेर प्रहरीले थप अनुसन्धान गरिरहेको छ ।