काठमाडौं । काठमाडौं उपत्यका र आसपासका ठाउँमा बन्दको कुनै पनि प्रभाव नदेखिएको उपत्यका ट्राफिक प्रहरी महाशाखाले जानकारी दिएको छ।

सधैझै अहिले सामान्य रुपमा गाडी चलिरहेका छन्। लामो दूरीका गाडी भने हिजोको तुलनामा केही चलेका छन् ।

काठमाडौं भित्रने र बाहिरिने गाडी केही कम चले पनि सडकमा कतै अवरोध नभएको प्रहरीले जनाएको छ।

प्रहरीका अनुसार रसुवा, नुवाकोट र गोरखा चल्ने गाडीका काउन्टरबाहेक अरु सबै काउन्टरबाट लामो दूरीका लागि यात्रुले टिकट काटिरहेका छन् ।

काठमाडौंबाट झापा, इलाम, धनगढी लगायत पूर्वपश्चिम चल्ने लामो दुरीका गाडीहरू बिहानै छुटिसकेका छन्।

नेतृविक्रम चन्द विप्लव नेतृत्वको नेकपाले बन्द आह्वान गरेको हल्ला चलेकाले सुरक्षा व्यवस्था कडा पारिएको र निर्वाध रुपमा गाडी चलाउने व्यवस्था मिलाइएको प्रहरीले जनाएको छ ।

यस्तै उपत्यकाका बजार पसल खुलिरहेका छन् भने केही स्कुल/कलेज भने बन्द रहेको