नारायणी अस्पताल विकास समिति सदस्यमा बिमल पौडेल मनोनित
स्वास्थ्य तथा जनसंख्या मन्त्रालयको मन्त्रीस्तरीय निर्णयबाट पौडेललार्ई सदस्य मनोनित गरिएको हो। उनी आगामी तीन वर्ष अस्पताल विकास समिति सदस्यको जिम्मेवारीमा रहने छन्। सदस्य नियुक्त भएसँगै पौडेलले अस्पतालको सेवा, सुविधालाई सरल, सहज र आम नागरिकको लागि पहुँच योग्य बनाउने बताए। उनले अस्पतालको सेवा प्रवाह र गुणस्तर वृद्धिका लागि आफुले प्रयास गर्ने बताए। उनी नेकपा(एमाले) पर्सा जिल्लाको सचिवालय सदस्य रहेका छन्। पौडेलले माओवादी पृष्ठभूमिबाट राजनीतिक यात्रा थालनी गरेका हुन्। उनले नेपाल खेलकुद महासंघको केन्द्रीय सचिव र महासंघकै मधेस प्रदेश सह-इन्चार्ज को जिम्मेवारी पनि निभाइसकेका छन्। त्यस्तै, उनले राष्ट्रिय युवा संघ पर्शाको पूर्व ईन्चार्जको भुमिका पनि निभाएका छन्।
बिएल संवाददाता - काठमाडौं
