बिएल संवाददाता
काठमाडौं
नागरिक उन्मुक्ति पार्टी (नाउपा) का सुदूरपश्चिम प्रदेशसभा सदस्य घनश्याम चौधरी निलम्बनमा परेका छन्।
नाउपा अध्यक्ष रञ्जिता श्रेष्ठले शुक्रबार प्रदेश सभामुख भीमबहादुर भण्डारीलाई पत्र पठाउँदै चौधरीलाई पार्टीबाट ३ महिनाका लागि निलम्बन गरिएको जानकारी दिएकी हुन्।
चौधरीलाई पार्टीका विभिन्न विषयमा छलफल गर्न पटक-पटक बोलाउँदा बैठकमा उपस्थित नभएको र स्पष्टीकरण चित्तबुझ्दो नभएकोले निलम्बन गरिएको पत्रमा उल्लेख छ।
