बिएल संवाददाता
काठमाडौं
गण्डकी प्रदेशका नवनियुक्त मुख्यमन्त्री खगराज अधिकारीले पद तथा गोपनियताको शपथ लिएका छन्।
मुख्यमन्त्री अधिकारीलाई प्रदेश प्रमुख डिल्लीराज भट्टले आइतबार शपथ गराएका हुन्।
अधिकारीसँगै नेकपा माओवादी संसदीय दलका नेता हरिबहादुर चुमान र दीपक मनाङेले मन्त्रीकाे शपथ लिएका छन्।
खगराजले आजै एमालेका २२, नेपाल कम्युनिष्ट पार्टी (माओवादी केन्द्र)का आठ (सभामुखसहित) र एक स्वतन्त्र गरी ३१ प्रदेशसभा सदस्यको समर्थनमा गण्डकीकाे मुख्यन्त्रीमा नियुक्त भएका हुन्।
उनलाई प्रदेश प्रमुख डिल्लीराज भट्टले संविधानको धारा १६८ (२) बमोजिम मुख्यमन्त्रीमा नियुक्त गरेका हुन्।
