बिएल संवाददाता
काठमाण्डौं
दाङको तुलसीपुर उपमहानगरपालिका– ४ रक्षाचौरस्थित राप्ती आँखा अस्पतालमा शुक्रबार दिउँसो १ बजेर १२ मिनेट गएको थियो।
अर्धचेत अवस्थाकी ३३ वर्षीया डिला खड्का डाँगीलाई जनरल ओपिडी रूममा लगिएको थियो। उनलाई घरपरिवार र आफन्त दुई जना महिलाले कुर्सीमा अड्याएर थामेका थिए।
डिलालाई कुर्सीमा राखेपछि आफन्त महिलाहरूले उनका आँखाको ढकनी औंलाले फट्याइदिए। अस्पतालका नेत्र सहायक रोहित कडायतले डिलाको आँखा जाँच गरे। दुई हप्ताअघि मात्रै यही अस्पतालमा उनको आँखाको शल्यक्रिया भएको थियो। उनको आँखामा मासु पलाएर ढाकिएको थियो।
