बिएल संवाददाता
सुर्खेत
कर्णालीमा नेपाली काँग्रेसबाट सरकारमा सहभागी मन्त्रीहरूले राजीनामा दिने भएका छन्।
केन्द्रमा सत्ता समीकरण बदलिएसँगै मंगलबार उनीहरुले सामूहिक राजीनामा दिने तयारी भइरहेको काँग्रेसबाट सहभागी उद्योग, पर्यटन, वन तथा वातावरण मन्त्री कृष्णकुमार बिसीले बताए।
केन्द्रमा समीकरण बदलिएपछि प्रदेशमा सत्तामा बस्नु उपयुक्त नहुने काँग्रेस कर्णालीको निष्कर्ष छ। ८ सदस्यीय मन्त्रिपरिषद्मा काँग्रेसबाट तीन जना मन्त्री रहेका छन्।
काँग्रेसबाट अर्थमा बेदराज सिंह, सामाजिक विकासमा खड्गबहादुर पोख्रेल र उद्योग, पर्यटन, वन तथा वातावरण मन्त्रालयमा कृष्ण कुमार बिसी मन्त्री छन्।
उनीहरू गत वैशाखमा मात्रै मन्त्री बनेका थिए।
