रास्वपा सांसद सुमनाल श्रेष्ठले प्रतिनिधि सभाको शून्य समयमा बोल्न अस्वीकार गरेकी छन्।
भारतको ओडिसास्थित किट कलेजमा नेपाली छात्राको आत्महत्या प्रकरणमा नेपाली विद्यार्थीहरूमाथि भएको दुर्व्यवहारका बारेमा बोल्न खोज्दा सोमबार सभामुखले समय नदिएपछि उनी आक्रोशित थिइन्।
मंगलबार बोल्न नाम टिपाएकी सुमनालाई सभामुखले पटकपटक बोलाएका थिए। तर सुमनाले बोल्न अस्वीकार गरिन्। रास्वपा सांसद तोसिमा कार्कीले बोल्ने बेलामा सुमना उनकै पछाडि थिइन्।
तर, सभामुखले बोल्न समय दिँदा उनी सदनमा देखिइनन्।
