यूरोपेली देशहरू क्रिसमस पर्व र नयाँ वर्षको मुखैमा प्रतिबन्ध र लकडाउन गर्न बाध्य भएका छन्।

काेराेनाभाइरसकाे नयाँ भेरियन्ट ओमिक्रोन संक्रमणले यूरोप उच्च जाेखिममा छ। जसको कारण यूराेपेली सरकारहरूले फेरि एकपटक कडा निर्णय लिन बाध्य रहेको अन्तर्राष्ट्रिय सञ्चारमाध्यमले जनाएका छन्।

प्रतिबन्धकाे नियमले यूरोपको यात्रा झन्–झन् गाह्रो हुँदै गइरहेको छ। नेदरल्यान्डले गत आइतबारदेखि कडा लकडाउनमा प्रवेश गर्‍यो। जसमा अनावश्यक पसल, आतिथ्य स्थल र सांस्कृतिक संस्थानहरू बन्द र आन्तरिक जमघटहरू सीमित गरिदिएका छन्।

प्रधानमन्त्री मार्क रुटेले देशभरि संक्रमणको बृद्धिका कारण याे कदम लागू गर्न अपरिहार्य भएको बताएका छन्। इटाली र अन्य २ राष्ट्रहरू अब काेराेनाको धेरै उच्च 'यात्रा' जोखिममा रहेको सीडीसीले चेतावनी दिएको छ। नेदरल्याण्ड पुनः बन्द हुँदैछ।

जर्मनीले डिसेम्बर २० देखि यूकेबाट आउ सबै यात्रुहरूलाई अनिवार्य १४–दिन क्वारेन्टाइनको घोषणा गरेको छ। त्यस्तै, फ्रान्सले पनि नयाँ भेरियन्टको फैलावटलाई कम गर्नका लागि यूकेबाट सबै अनावश्यक आगन्तुकहरूमा प्रतिबन्ध लगाएको छ। धेरै बेलायती पर्यटकहरू यात्रा गर्ने तयारी गरिरहेका बेला यो कदम आएको हो।

गत हप्ता बेलायतमा लगातार दोस्रो दिन ९० हजारभन्दा बढी काेराेनाका मामिलाहरू रिपोर्ट गरियो– जसमा १० हजारभन्दा बढी ओमिक्रोन केसहरू समावेश छन्।

बेलायती सरकारी अधिकारीहरूले डिसेम्बरको अन्त्यसम्म पूर्ण खोप लगाएका युवाहरूले बूस्टर शट पाउनुपर्ने अभियानलाई तीव्र पारेका छन्। अन्य यूरोपेली देशहरूले पछ्याउन सक्ने डरसँगै फ्रान्स र जर्मनीबाट लगाएको नयाँ प्रतिबन्धहरू पक्कै पनि गन्तव्यका लागि ठूलो झट्का हुनेछ।

यसैबीच, ग्रीस र इटालीले ईयूलगायत सबै आगन्तुकहरूलाई प्रवेश गर्नुअघि कोभिड-१९ नेगेटीभ परीक्षणको रिपोर्ट प्रस्तुत गर्न आवश्यक प्रतिबन्धहरू लागू गरेकाे छ।

इटालीमा प्रस्थानको लागि अनुमति दिइएको २४–घन्टा अघि एन्टिजेन परीक्षण लिइएको भएपनि ग्रीस भ्रमण गर्नेहरूले विगत ४८ घण्टामा लिइएको नेगेटिभ पीसीआर परीक्षण गर्नुपर्ने छ।

डेनमार्क र नर्वेले पनि संक्रमण दर बढ्दै जाँदा पछिल्ला दिनहरूमा नयाँ काेराेनाका प्रतिबन्धहरू लागू गर्न रोजेका छन्। जबकि साइप्रस भ्रमण गर्ने १२ वर्ष भन्दा माथिका सबै यूके यात्रीहरूले अब आगमनमा एयरपोर्ट पीसीआर परीक्षण लिन आवश्यक छ। उनीहरूले नेगेटिभ परिणाम प्राप्त नगरेसम्म क्वारेन्टाइनमा बस्न पर्नेछ।

हालसम्म सेन्जेन देशहरूबाट आइपुगेका पूर्ण खोप लगाएका यात्रुहरूले काेराेना परीक्षण नगरी प्रवेश गर्न सक्छन्। यद्यपि, पोर्चुगलसहित धेरै यूरोपेली गन्तव्यहरूले नयाँ संस्करणको कारणले सबै आगन्तुकहरूको लागि अनिवार्य परीक्षण पेश गर्नुपर्ने छ।