कक्षा १२ को नतिजा प्रकाशित भएको छ। आज बिहान बसेको राष्ट्रिय परीक्षा बोर्डको बैठकको निर्णय अनुसार नतिजा प्रकाशित गरिएको प्रवक्ता कृष्णप्रसाद शर्माले जानकारी दिएका छन्।

कक्षा १२ को परीक्षा गत भदौ ३०  देखि असोज ८ सम्म सञ्चालन भएको थियो। जसमा ३ लाख ७४ हजार विद्यार्थी सहभागी भएका थिए।

गत वैशाखमै गरिनुपर्ने कक्षा १२ को परीक्षा कोरोना महामारीका कारण असोजमा सञ्चालन गरिएको थियो। परीक्षा होम सेन्टरमा सञ्चालन गरिएको थियो।

नतिजा परीक्षा बोर्डको वेभसाइट, एसएमएस र आईभिआरमार्फत हेर्न सकिन्छ।

https://neb.ntc.net.np लगइन गरेर सिम्बोल नं र जन्म मिति टाइप गरेर नजिजा हेर्न सकिन्छ। भने, एसएमएस गर्नका लागि NEB टाइप गरेर एक स्पेस छोडेर सिम्बोल नं टाइप गरेर १६०० मा पठाउन सकिन्छ। यस्तै, आईभिआरका लागि १६०१ डाइल गर्नुपर्ने हुन्छ।