गुल्मीमा मंगलबार राति अबिरल वर्षासँगै गएकाे पहिरोमा पुरिएर एकै घरका तीन दिदीबहिनीको मृत्यु भएको छ।
रेसुंगा नगरपालिका–८ मा माथिबाट आएको पहिरोमा परी तिलक परियारका छोरीहरू २१ वर्षकी भावना परियार र १४ वर्षका जुम्ल्याहा छोरी गंगा र जमुनाको मृत्यु भएको जिल्ला प्रहरी कार्यालय गुल्मीले जनाएको छ।
मध्यरातमा आएको पहिरोले घर पूर्दा सुतिरहेका उनीहरूकाे मृत्यु भएको हो। अर्को कोठामा सुतिरहेका तिलक, श्रीमती र अर्की छोरी भने सकुशल रहेकाे प्रहरीले जनाएको छ।
मृतकको शव गाउँले, नेपाली सेना र नेपाल प्रहरीले निकाली सकेकाे छ। पहिरोले तीन जना पुरिएको खबर पाएपछि २२ जनाप्रहरीकाे एक समूह घटनास्थल पुगेको छ।
.jpg)
