बाराको कलैया उपमहानगरपालिका वडा नम्बर ७ रंगपुरका दुई जना बालकको विभत्स हत्या भएको छ।

हिजो साँझ घरबाट खेल्न निस्केका दुई जना बालक राति अवेरसम्म घर नर्फकिएपछि अभिभावकले गाउँभरि माइकिङ समेत गराएको स्थानिय बताएका छन्। अभिभावकले मृतक दुई दाजु भाईको रातभरि खोजी गरेका थिए।

बेपत्ता बनेका ती बालकहरुको प्रहरीले समेत खोजी गरेको थियो। तर आज उनीहरु मृत अवस्थामा भेटिएको २ नम्बर प्रदेश प्रहरी प्रमुख डीआईजी धिरजप्रताप सिंहले बिएल नेपाली सेवालाई जानकारी दिए।

मृत भेटिएका ती बालकहरुको घाँटीमा धारिलो हतियारले रेटिएको सिंहले बताए।

मुचुल्का लिएर दुई बालकको शव जिल्ला अस्पताल कलैयामा पोस्टमार्टमको लागि पठाइएको र थप विवरण आउन बाँकी रहेको प्रहरीले जनाएको छ।

मृतक बालकका बाबु वैदेशिक रोजगारीका लागि चार वर्षदेखि कतारमा रहेको पाइएको छ। घटनाका बारेमा थप अनुसन्धान भइरहेको प्रहरीले जनाएको छ।