कोरोना भाइरसको संक्रमणबाट थप एक सैनिक जवानको मृत्यु भएको छ।
बझाङ घर भई काठमाडौं उपत्यकामा कार्यरत उनको शुक्रबार वीरेन्द्र अस्पताल, छाउनीमा मृत्यु भएको हो ।
असोज ६ गते छारे रोगको लक्षण देखिएपछि आईसीयूमा भर्ना गरिएका उनलाई कोरोना संक्रमण भएको ८ गते पुष्टि भएको थियो ।
यससँगै कोरोना संक्रमणबाट मृत्यु हुने सैनिकको संख्या २ पुगेको छ ।
यसअघि रामेछाप घर भएका ३४ वर्षीय सेनाको मृत्यु भएको थियाे। उनी पनि काठमाडौं उपत्यकाभित्र कार्यरत थिए।
जङ्ग्गी अड्डाका अनुसार सेनामा हालसम्म २ हजार १९७ जनामा संक्रमण पुष्टि भएको छ । उनीहरुमध्ये ५३९ जना संक्रमणमुक्त भएका छन्
