विश्वव्यापी महामारीको रुपमा फैलिएको कोरोना भाइरस (कोभिड-१९) को कारण अमेरिकामा २ लाख बढीले ज्यान गुमाएका छन्।
यो समाचार तयार पार्दासम्म अमेरिकामा २ लाख १ सय ९७ जनाको ज्यान गएको छ। अमेरिकामा हालसम्म ६७ लाख ८८ हजार १४७ भन्दा बढीमा कोरोना संक्रमण फैलिएको छ।
जसमध्ये ४० लाख ६८ हजार भन्दा बढी निको भएर घर फर्किसकेका छन्। अझै पनि अमेरिकामा २५ लाख १९ हजार ८६४ जना उपचाररत छन्।
पछिल्लो २४ घन्टामा अमेरिकामा ३६ हजार ४४७ संक्रमित थपिनुका साथै ११९७ जनाको ज्यान गएको छ।
हालसम्म विश्वभरमा २ करोड ९७ लाख १७ हजार भन्दा बढीमा कोरोना संक्रमण फैलिएको छ। जसमध्ये २ करोड १५ लाख भन्दा बढी निको भएर घर फर्किसकेका छन्।
पछिल्लो २४ घन्टामा २ लाख ७७ हजार ८८७ जना नयाँ संक्रमित थपिएको वल्डोमिटरको तथ्यांकले देखाएको छ ।
संयुक्त राज्य अमेरिकामा हालसम्म सबैभन्दा बढी कोरोना संक्रमणको असर देखिएको हो।
.jpg)
