मध्यान्हको १२ बजे । टन्टलापुर घाम लागेको छ ।
काठमाडौंको इन्द्रचोक सुनसान छ ।
मानिसहरूको आवतजावत शून्यप्रायः छ ।
बेला–बेलमा प्रहरीको गाडी साइरन बजाएर आउँछ ।
एक दुईजना मानिसहरू आवतजावत गर्छन् ।
इन्द्रचोकको पाटीमा ३ जना सुतिरहेका छन् । एक जना वृद्धजस्ता देखिने व्यक्ति भने हातमा नाम्लो लिएर मन्दिरको तल बसिरहेका छन् ।
कहिले सडक छेउमा आएर यताउता गर्छन् त कहिले अर्को छेउमा गएर अर्को तर्फको सडक हेर्छन् ।
जता हेरे पनि सुनसान नै छ ।
शरीरमा फाटेको जिन्सको हाल्फ पाइन्ट, कालो क्याप, कपडाको कालो मास्क, गर्मी महिनामा पनि ज्याकेट, खुट्टामा चप्पल र हातमा नाम्लो छ ।
खुट्टाभरी घाउ नै घाउ अनि अनुहारमा काम नपाएको चिन्ता ।
.jpg)
