पछिल्लो २४ घन्टामा उपत्यकामा ५३ जनामा कोरोना भाइरस संक्रमण पुष्टि भएको छ।
सोमबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले काठमाडौंमा ४८,ललितपुरमा ४ र र भक्तपुरमा १ जनामा संक्रमण पुष्टि भएको जानकारी दिए।
आज देशभर ३११ जना कोरोना भाइरस (कोभिड-१९) संक्रमित थपिएका छन्।
आज अघिल्ला दिनमा देखिने संक्रमित भन्दा धेरै जनामा संक्रमण पुष्टि भएको छ। सक्रिय संक्रमितको संख्या ५ हजार १३९ रहको उनले बताए।
आज थप १२१ जनाले कोरोना भाइरसलाई जितेका छन्। यसरी देशभर कोरोना भाइरसलाई जितेर घर फर्किनेको कुल संख्या १३ हजार ८७५ पुगेको छ। मन्त्रालयका अनुसार कुल संक्रमित मध्ये ७२.८ जना निको भएर घर फर्किएका छन्।
पछिल्लो २४ घण्टाको अवधिमा ५ हजार ३२ जनाको पीसीआर विधिबाट परीक्षण गरिएको छ। १५ हजार ३३१ जना देशभरका विभिन्न स्थानमा निर्माण भएका क्वारेन्टाइनमा रहेका छन्।
