भारतमा कोरोना भाइरस (कोभिड–१९) संक्रमितकाे संख्या १० लाख नाघेकाे छ। बिहीवार भारतमा थप ३४ हजार भन्दा धेरै संक्रमित थपिएका थिए।
विश्वका ३ मुलुकहरु मात्र छन् जहाँ कोरोना भाइरसको संक्रमण १० लाख भन्दा धेरैमा रहेको छ। अमेरिका र ब्राजिलपछि तीब्र रफ्तारमा कोरोना संक्रमित हुने मुलुक हो, भारत।
भारतमा ८ लाखबाट १० लाख संक्रमित पुग्न जम्मा ६ दिनमात्र लागेको छ। र, १० दिनको अन्तरालमा २० हजार बाट मृत्यु हुनेको संख्या २५ हजार पुगेको छ।
भारतमा हिजाे मात्रै ६ सय ९० जनाको मृत्यु भएकाे थियाे।
विज्ञहरुको अनुमानलाई मान्ने हो भने अर्को एक मिलियन अर्थात् १० लाख संक्रमित थपिन अब एक महिनाभन्दा धेरै लाग्ने छैन।
