लाइन्स क्लब वीरगञ्जले जिल्ला ट्राफिक कार्यालय पर्सालाई ३२ इन्चको एलइडि टिभि सहयोग गरेको छ। साथै प्रभु सेट अप बक्स र एक वर्षे लाइन समेत जडान गरेको छ। 

शनिबार एक कार्यक्रमबीच उक्त सहयाेग हस्तान्तरण गरिएकाे हाे। संस्था अध्यक्ष सन्जय अग्रवालले धुलाे र धुँवामा काम गर्ने ट्राफिक प्रहरीलाई साँझ मानसिक तनाव कम होस् भन्ने उद्देश्यका साथ सहयाेग प्रदान गरिएकाे बताए।

ट्राफिक प्रहरी, पर्साका प्रमुख कमलराज पण्डितले सहयोग ग्रहण गर्दै समाजसेवाका लागि गरिएकाे कामलाई सामाजले पनि मूल्यांकन गर्दा थप उर्जा बढ्ने विचार ब्यक्त गरे ।

कार्यक्रममा संस्थाका अध्यक्ष सन्जय अग्रवाल, सचिव अजित गोयल, कोषाध्यक्ष अनुप सरावगी, पुर्व अध्यक्ष अनुज रुङ्टा लागायतको उपस्थिति थियाे। 

लायन्स नार्थकाे अगामी दिनमा शुद्ध पानी जडानसहित अन्य सामजिक कार्य गर्ने योजना रहेको संस्थाका उपाध्यक्ष गोविन्द साहले जानकारी गराए ।