यश चोपडा... यो त्याे नाम हो, जसले फिल्मको माध्यमबाट देशको सभ्यतालाई विश्वभर फैलाउने मात्र होइन, रोमान्सलाई नयाँ परिभाषा पनि दिए। यदि शाहरुख खानलाई आज 'रोमान्सको बादशाह' भनिन्छ भने त्यो यश चोपडाका कारण नै हो।
साँचो अर्थमा भन्ने हो भने उनी रोमान्सका बादशाह थिए, जसले फिल्मी पर्दामा प्रेम र रोमान्सलाई नयाँ रूप दिएका थिए। यश चोपडा एक व्यक्ति थिए जसले फिल्म मात्र बनाएनन् आफ्नो शैलीलाई पनि परिभाषित गरे। उनले हिन्दी सिनेमालाई नयाँ उचाईमा पुर्याउन महत्वपूर्ण भूमिका खेलेका थिए।
पाँच दशकसम्म हिन्दी सिनेमामा निर्देशकका रूपमा राज गरेका दिग्गज फिल्म निर्माता यश चोपडा अहिले यस दुनियाँमा छैनन् तर उनकाे याद सधैं रहिरहनेछ।
इन्जिनियरिङ पढ्न लण्डन जाने तयारीमा थिए यश
यश चोपडाको जन्म २७ सेप्टेम्बर १९३२ मा लाहोरमा भएको थियो। उनले लाहोरमा अध्ययन गरे। सन् १९४५ मा उनको परिवार पञ्जाबको लुधियानामा बस्यो। यश चोपडा एक पटक इन्जिनियर बन्न चाहन्थे। उनी पनि इन्जिनियरिङ पढ्न लण्डन जाँदै थिए, तर उनको भाग्य अन्यत्रै लेखिएको थियो। उनी फिल्ममा करियर बनाउने सपना लिएर बम्बई आएका थिए।
१९५९ मा पहिलाे फिल्म निर्देशित
यश चोपडाले बीआर चोपडा र आई.एस. जोहरसँग सहायक निर्देशकको रूपमा आफ्नो क्यारियर सुरु गरेका थिए। सन् १९५९ मा उनले पहिलो फिल्म 'धुलका फूल' निर्देशन गरेका थिए। धेरै सफल फिल्मपछि सन् १९७३ मा उनले आफ्नो प्रोडक्सन कम्पनी यशराज फिल्म्सको स्थापना गरे।
धेरै जनालाई बनाए सुपरस्टार
यश चोपडाले आफ्नो फिल्मबाट धेरै स्टारलाई स्टारडमको दर्जा दिए। सन् १९७५ मा फिल्म 'दीवार' बाट उनले मेगास्टार अमिताभ बच्चनको 'एन्ग्री यंग म्यान' को छवि बनाएका थिए। अमिताभको मुख्य भूमिका रहेको पाँच फिल्ममा 'दीवार' (१९७५), 'कभी कभी' (१९७६), 'त्रिशूल' (१९७८), 'काला पत्थर' (१९७९), 'सिलसिला' (१९८१) छन्।
यश चोपडाले बलिउडका बादशाह शाहरुख खानसँग निर्देशकको रुपमा 'डर', 'दिल तो पागल है' र 'वीर जारा' जस्ता ब्लकबस्टर फिल्म बनाएका थिए। शाहरुखसँग यश चोपडाको अन्तिम फिल्म 'जब तक है जान' थियो।
रोमान्टिक फिल्मका जादूगर
यश चोपडालाई रोमान्टिक फिल्मका जादुगर भनिन्थ्यो। उनको पछिल्लो फिल्म 'जब तक है जान' पनि रोमान्टिक फिल्म थियो। सन् २०१२ मा आफ्नो ८० औं जन्मदिनको अवसरमा उनले भनेका थिए कि यो उनको अन्तिम फिल्म हो र अब उनी सन्यास लिएर परिवारलाई समय दिन चाहन्छन्। यश चोपडा सेवानिवृत्त भए तर परिवारलाई समय दिन सकेनन्। सन् २०१२ अक्टोबर २१ मा डेङ्गुका कारण उनको मृत्यु भयो।
मृत्युअघि नै अलबिदा
निर्देशकको रुपमा यश चोपडाको अन्तिम फिल्म 'जब तक है जान' सन् २०१२ मा रिलिज भएको थियो। यस फिल्ममा शाहरुख खान, कट्रिना कैफ र अनुष्का शर्मा मुख्य भूमिकामा थिए। अवस्था यस्तो छ कि 'जब तक है जान' बक्स अफिसमा सफल भयाे।
यस फिल्मसँग जोडिएको रोचक कथा के हो भने यशले यो फिल्म आफ्नो अन्तिम फिल्म हुन लागेको महसुस गरिसकेका थिए।
डेङ्गुका कारण निधन
१३ अक्टोबर २०१२ मा चोपडालाई डेङ्गु ज्वरो भएको पत्ता लाग्यो र उनलाई मुम्बईको बान्द्रास्थित लीलावती अस्पतालमा भर्ना गरिएको थियो। यश चोपडाको २१ अक्टोबर २०१२ मा ८० वर्षको उमेरमा डेङ्गु ज्वरोका कारण मृत्यु भएको थियो।
