नेपालमा सोमबार ४ सय ७६ जनामा कोरोना भाइरसकाे संक्रमण देखिएको छ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले सोमबारको नियमित पत्रकार सम्मेलनमा काठमाडौंका ६ जनासहित ४७६ जनामा कोरोना संक्रमण पुष्टि भएको जानकारी दिएका हुन्।
योसँगै नेपालमा कोरोना संक्रमितको संख्या १३ हजार २४८ पुगेको प्रवक्ता डा गौतमले जानकारी दिए।
बितेको २४ घण्टामा १३ महिला र १०८ पुरुष गरी १२१ जना कोरोना संक्रमणमुक्त भएका छन्। योसँगै नेपालमा कोरोना निको हुनेको संख्या ३ हजार १३४ पुगेको छ।
