पछिल्लो २४ घन्टामा नेपालमा थप ५ सय ९३ जनामा कोरोनाका संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले शुक्रबार देशभर थप ५ सय ९३ जना कोरोनाका संक्रमित थपिएको जानकारी दिए।
यो सहित मुलुकभर कुल संक्रमितको संख्या ११ हजार ७ सय ५५ पुगेको छ।
त्यस्तै विगत २४ घण्टामा ४८ जना कोरोनामुक्त भएर घर फर्किएका छन्। विभिन्न अस्पतालहरुबाट ४० पुरुष र ८ महिला कोरोनामुक्त भइ डिस्चार्ज भएको गौतमले बताए। योसहित शुक्रबार अपरान्हसम्म कुल डिस्चार्ज हुनेको संख्या २ हजार ६ सय ९८ पुगेको छ।
गौतमका अनुसार शुक्रबा थप एक जना कोरोना संक्रमणबाट मृत्यु भएको छ। यो सँगै मृतकको कुल संख्या २७ पुगेको छ।
बागमति प्रदेशको रसुवावा बाहेक सबै ७६ जिल्लामा कोरोना देखिएको छ।
विगत २४ घण्टामा जनाको ६ हजार ५ सय ३४ पिसिआर परीक्षण भएको छ। हालसम्म २ लाख ६ हजार बढीको पिसिआर परीक्षण भएको मन्त्रालयले जनाएको छ।
