स्याङ्जामा बाबु छोराको सँगै हत्या भएको छ। प्रहरीका अनुसार स्याङ्जाको हरिनास गाउँपालिकामा अज्ञात समुहले बाबु र छोराको हत्या गरेको छ।
मंगलबार हरिनास गाउँपालिका ३ स्थित मिनडाँडाका बाबु र छोराको अज्ञात समुहले हत्या गरेको हो। अज्ञात समुहको धारिलो हतियार प्रहारबाट २९ वर्षीय चित्रबहादुर खड्का र उनका चार वर्षीय छोरा रिजन खड्काको घटनास्थलमै प्रहरीले जनाएको छ।
घरमा सुतिरहेका बाबु छोरालाई अज्ञात समुहले धारिलो हतियार प्रयोग गरी हत्या गरेको जिल्ला प्रहरी कार्यालय स्याङ्जाले जनाएको छ। प्रहरीका अनुसार बाबुको टाउको र हातहरुमा धारिलो हतियार प्रहार गरिएको छ।
खड्काका पत्नीसहित तीन जना एउटै कोठामा सुतेका थिए। खुकुरी प्रहारपछि एउटै कोठाको अर्को खाटमा सुतेकी चित्रबहादुरकी पत्नी चिच्याएपछि आक्रमणकारी भागेको प्रहरीले जनाएको छ। घटनाको बारेमा अनुसन्धान भइरहेको प्रहरीले जनाएको छ।
.jpg)
