आफै चढेको बसको ठक्करबाट मोरङको मिक्लाजुङ गाउँपालिका–७ मधुमल्लामा एक वृद्धाको मृत्यु भएको छ ।
मोरङ प्रहरीका प्रवक्ता डीएसपी राजकुमार खिँउजुका अनुसार तोरीबारीबाट मधुमल्लातर्फ आउँदै गरेको ना २ ख ५२२७ नम्बरको बसले ठक्कर दिँदा इलामको चुलाचुली–६ की ८० वर्षीय नन्दकुमारी राईको मृत्यु भएको हो।
वृद्धा तोरीबारीबाट बस चढेर मधुमल्ला आएकी थिइन् । मधुमल्ला आइपुगेपछि बसबाट ओर्लिएर सडक पार गर्ने क्रममा त्यही बसको ठक्करबाट सोमबार बिहान ७ः४५ बजे गम्भीर घाइते भएकी वृद्धाको उपचारका क्रममा ९ः३० बजे अरनिको अस्पताल उर्लाबारीमा मृत्यु भएको हो।
बस र चालक मिक्लाजुङ–९ का ४० वर्षीय कृष्ण तामाङलाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ ।
याे पनि पढ्नुहाेस।
.jpg)
