अब कुमारी शव्दलाई अविवाहित शव्दले प्रतिस्थापन गरिने भएको छ । अदालतले नै यस्तो आदेश जारी गर्नुपरेको हो । तर, अदालतले जारी गरे पनि समाजमा भने कहिलेदेखि मान्य हुने हो, त्यसको कुनै निशि्चतता छैन ।

यो समाचार बाङ्ग्लादेशको हो । त्यहाँको एक उच्च अदालतले महिलाहरूले वैवाहिक दर्ता फारममा 'कुमारी' रहेको खुलाउनुपर्ने बाध्यता अन्त्य गरिदिएको छ । 

तर, वैवाहिक दर्ता फारममा रहेका अन्य दुई विकल्प 'विधवा' र 'सम्बन्ध विच्छेद भएको' भन्ने शब्द भने परिवर्तन हुने छैनन् ।

बाङ्ग्लादेशको वैवाहिक फारमबाट भएको 'कुमारी' शब्दले बंगलाी भाषामा 'कौमार्य कायम' भएको भर्जिन महिला भन्ने लाग्छ । 

भर्जिनिटी शव्दको गलत ठाउँमा प्रयोग हुँदा यसबाट महिलाहरू अपमानित भएको भन्दै वर्षौदेखि महिला अधिकारकर्मीहरू यो शव्द हटाउन प्रयत्नरत् थिए । उनीहरुले आफ्नो प्रयास सफल भएको भन्दै निर्णयको स्वागत गरेका छन् ।