पर्सा प्रहरीले वीरगंजको घडिअर्वाबाट वीरगंजको विभिन्न स्थानमा चोरी गरी थुपारिएको सुन, चाँदीका गरगहना, मोवाईल सहित चोरीमा संलग्न प्रमोद साहलाई पक्राउ गरेको छ।
वीरगंज महानगरपालिका वडा नम्बर १० घडिअर्वा निवासी प्रमोद साहले गत साउन १४ गते वीरगंज महानगरपालिका वडा नम्बर ११ रानीघाट बस्ने मोहन सर्राफको सुनचाँदी पसलबाट चोरी भएका सुनका ७ थान, चाँदीका २० थान औठी, चाँदीका २० थान सिक्का, चाँदीका बाला, डटपेन चोरी गरेको र ति सामान साहको कोठाबाट बरामद भएको प्रहरीले जनाएको छ।
त्यसैगरी साहको कोठामा छापामारीको क्रममा प्रहरीले २० थान मोवाईल, १२ थान घडी सहित ठूलो परिणामा मोवाईलको ब्याट्रि, मेमोरी कार्ड समेत बरामद गरेको छ। वीरगंज महानगरपालिका वडा नम्बर ९ मा जितेन्द्र प्रसाद यादवको कपडा सिलाई टेलरबाट चोरी भएका कोट, पाईन्ट, स्टकोट, सर्ट लगायतका कपडा सहित सोमबार पक्राउ गरिएको पर्साका प्रहरी उपरीक्षक सोमेन्द्र सिंह राठौरले जनाए।
याे पनि पढ्नुहाेस।
.jpg)
