पर्सामा एक श्रीमानले आफ्नै श्रीमतीलाई धारिलो हतियारले घाँटी रेटेर हत्या गरेका छन् ।
कालिकामाई गाउँपालिका ५ सेमरा टोल निवासी मुक्तिनारायण पटेलले आफ्नै श्रीमती ३० वर्षीय संगीता देवीको पाशविक किसिमले हत्या गरेका हुन् ।
हत्यापछि पटेल र उनको परिवारका केही सदस्य फरार भए पनि मृतककी सासु र तीन वालवालिका भने अहिले पनि घरमै रहेको प्रहरीले जनाएको छ ।
घटनाको प्रकृति हेर्दा मासु काट्ने दाउले उनको घाँटीमा जथाभावी प्रहार गरेको देखिन्छ ।
गाउलेका अनुसार लामो समयदेखि वैदेसिक रोजगारीमा रहेका उनका श्रीमान एक महिनाअघि मात्र घर फर्किएका थिए।
आज साँझ ७ बजे घटनाबारे छिमेकीले थाहा पाएपछि प्रहरीलाई खबर गरेका थिए । घटनाबारे प्रहरीले अनुसन्धान सुरू गरिसकेको इलाका प्रहरी कार्यालय पोखरियाका प्रहरी निरीक्षक चन्द्र सिंहले बताएका छन् ।
सासु काम विशेषले घर बाहिर रहेकाले उनी घर फर्किएपछि घटनाबारे छिमिकीलाई जानकारी दिएको स्थानीयले बताए ।
प्राप्त जानकारीअनुसार श्रीमान आएदेखि नै घरमा दैनिक झैझगडा हुने गरेको प्रत्यक्षदर्शीहरुको भनाई छ। सोही गाउँपालिका ३ हरिहरपुरमा उनको माईती रहेको प्रहरीले जनाएको छ।
संगीताको शवलाई पोष्टमार्टमका लागि नारायणी अस्पतालमा ल्याएको प्रहरीले जानकारी दिएको छ ।
.jpg)
