बिहीबार साँझ कैलालीको धनगढी उपमहानगरपालिकास्थित चटकपुरमा भएको विस्फोटमा घाईते एकजनाको मृत्यु भएको छ। विस्फोटमा घाईते मध्येका पाँचजना घाइते भएका थिए। घाइते मध्येका राम सिहंको मृत्यु भएको कैलाली प्रहरी प्रमुख सुदिप गिरीले जानकारी दिए। मृत्यु भएका सिंह विप्लव समूहका कार्यकर्ता भएको प्रहरीले जनाएको छ।
बिहीबार बेलुका पौने सातबजे स्थानीय निलम होटेलमा विष्फोट हुँदा होटेल सञ्चालक केशवराज पाण्डेयसहित पाँचजना घाइते भएका थिए।
विष्फोटमा लक्ष्मण सेरेला, मोबिन खान, जीतेन्द्र यादव घाइते भएको प्रहरीले जनाएको छ। होटेलमा चिया खान बसेको बेला आफैले बोकेको बम विष्पोट भएको प्रहरीले जनाएको छ। प्रहरीले घटनास्थलबाट चाइनिज पेस्तोल बरामद गरेको थियो। घटनाका बारेमा अनुसन्धान भइरहेको प्रहरीले जानकारी दिएको छ।