बर्षाका कारण मोरङ रंगेलीमा तीन दिन अगाडि बेपत्ता भएका एक युवाको लास प्रहरीले बरामद गरेको छ। रंगेली–कानेपोखरी दलेली चोक नजिकै विहिबार राती गेउरिया खोलाको डाइभर्सन अविरल बर्षाका कारण भत्किएको थियो।

यसै क्रममा एक पैदल यात्री खोलामा बगेका थिए। उनको खोजी कार्य भइरहेको थियो। रंगेलीस्थित जिल्ला प्रहरी कार्यालयले अन्दाजी २६ वर्षका युवाको शरीर आइतबार निकालेको हो। उनको सनाखत हुन बाँकी छ।

बाढीका कारण प्रदेश नम्बर १ मा सर्वाधिक मानिसले ज्यान गुमाएका छन्।